Skip to main content
Mesc da na frabica sëula Costamula Dessot cun tublà duminënt

Costamula Dessot

Mesc da na frabica sëula sun Piz Dessëura pra l ruf de Sant'Anna

Chësc mesc da na frabica sëula ie unì fat su dl 1606/08 y dal 1985 iel sota defendura dla Sëurantendënza per i Bëns culturei. L ie derturà y vën al didancuei nuzà coche restaurant. L tublà fat cun trames de lën turonc ala maniera dla tecnica "blockhaus" tol ite na majera pert dla fassada dla frabica che no la pert dl'abitazion. L bel tët de scintles de leresc ie unì fat da nuef aldò dla tradizion ladina cun la eles de breies (l nsci tlamà tët ala Gherdëina o tët ladin).

Categuria prinzipela:
Cultura dl frabiché
Sotcateguria:
Mejes (Luesc da paur)
Epoca:17ejim secul do G.C.
Raion(s):Urtijëi
Coordinedes GPS:@11.6943,46.5847

Galaria de fotografies

Galaria de videos

Video sun la mostra "Mejes de Gherdëina" cun na selezion de fotografies de mejes te Gherdëina che se à mo mantenì, fates dl 2018 y 2019 dal fotograf renumà de Praga Václav Sedy.