Jites

Fé chësta jita geologica ie sciche platerné te n liber de storia: i crëps y la cuntreda conta dl deventé dla montes da si criazion nchin a ncuei. La pieres, y i curëc y minerei che les cuntën, ie testemunianzes de coche i crëps ie unic a se l dé y coche i avenimënc geologics à furmà cun l passé dl tëmp la sëuraspersa dla Tiera.

L’escurscion mëina sun Frea, jëuf sun chël che l passova bele tla preistoria l Troi Paian, n troi che menova dala Val dl Isarch su per i jëufs dla Dolomites nchin tl Uniejan. Pra l majer puron dolomitich sun Plan de Frea pudons cherdé y se splonjer te na vedla luegia de paussa de iagri dl tëmp dla piera.

La jita cunlieia storia, cultura y natura, la mëina tres de vedla cuntredes cultureles y pra mejes storics metan tla lum la particulariteies – nia mé architetoniches – di vedli luesc da paur de Gherdëina.

La jita mëina tres Urtijëi y nes mostra tres l ejëmpl dla villes dl’ëuta dl secul y la berstotes da n iede coche la industria dla chiena y dla scultura à mudelà l cialé ora dl luech – y coche la l caraterisea mo al didancuei.

La jita mëina tres l zënter dl luech de Urtijëi y nes porta dan ai uedli l svilup dl paesc tres la costruzion de frabiches storiches: dala dliejes y dai monumënc ala villes y berstotes y la ustaries da na tradizion longia.